Uit het boekje

Opa Vos heeft ook een aantal bundeltjes uitgebracht met verhalen en gedichten. Een bloemlezing.

 

Woarumme een boekie? Ik had nog wat verhaalties liggen. Niet dat het zo noodzakelijk was umme die in een boekie te verzamelen, maar dan kan ik ze wel makkelijker weervin as ik ze zuke umme argens veur te gebruken. En er bint altied wel en paar mensen die wel oardig vind um te lezen wat ik opskrieve, Vandoor dit boekie: over zoas et er veur op stiet.

Hieronder een paar leuke gedichtjes. Via de menubalk zijn er wat verhaaltjes te vinden.

 

Goed vies

 

Mien kookplate is grauw en vies.

Et glas dient zwat te wezen.

Is van de vettigheid nöw gries.

Gien teken ku-j meer lezen.

Met mien spraybusse in ‘d haand.

Speut ik de glaskookplate onder.

Vanof et midden noar de raand.

En wachte op een wonder.

Ik wachte roem een een half uur.

Mar er gebeurde niks.

Et wörn vervelend op den duur.

Dacht: ‘k gleuf dat ik et zulf mar fiks.

Op de busse stiet noast “powerspray.

REINIGT ALLES”, potten pannen enz.

Veur mi-j was’t echt toen gien D-Day.

‘k Mus poetsen dat is wat mi-j stoort.

Ik was weer is ontieglijk dom

Had de bruuksanwiezing niet è-leez’n.

Dat was natuurlijk barre stom.

Doarumme stund ik toen te peez’n.

Ik woarschouw er nöw ieder veur.

Wil ie niet veur gek goan stoan.

Lees eerst de kleine letterties deur.

Ai-j as verstaandig deur wilt goan.

Volzin

 

Ik zou nog zo graag een mooie volzin willen maken

Een zin woaarvan men zegt, die zin, die sluut ik in mien hart

Een zin die aandern in hun ziel kan raken

Kan troosten in verdriet en smart.

Een zin die anderen kan doen lachen of doen hulen

Een zin die troanen van het lachen loaten stromen kan

Een die behoedt voor nare bulten en voor kulen.

Een volzin heel geschikt voor Jan en Alleman.

Een zinne veur verjoardaag’n of een ‘trouweri-j

Mar ök as er iets troosten mut worn è-zegd

Veur karstdaag’n, poasen of gewoon een daggie vri-j

Of iene woar de ramadan goed wordt uut è-legd.

Een zinne die de oorlog kan stille kan doen leggen

Die verdriet en piene kan verdriem.

De mens’n zonder bi-j bedoelings wat teeg’n mekaar kunt zeggen

Een zinne die dat veur oons altied kan loaten bliem.

Het was die dag wel heel arg fris

 

Die dag van de begrafenis

Ieder in een dikke jas

Leupen netties in de pas

De liekauto gaf nog wat gas

Op et karkhof was et heel arg fris

Die dag een korte preek bi-j de begrafenis.

 

In de tuun van welbehagen

 

Krüp bi-j mi-j een rare kriebel binnen

Deur de vroag van heur en wederheur

Dat is de kriebel woar ik mi-j an steur

De vroag woar bin ie tegen of bin ie veur

Mar bin ik in de tuun van welbehagen

Loat ik die nare kriebel niet meer binnen.